Concurso de ideas, con intervención de xurado, para a selección dunha proposta de espazo escénico da obra Eurozoone
Convoca: Grupo Chévere coa colaboración do Colexio Oficial de Arquitectos de Galicia.
Presentación do concurso
As relacións entre teatro e arquitectura adoitan limitarse aos edificios que
acollen as representacións escénicas. Pero en realidade teatro e arquitectura
son disciplinas que comparten problemas conceptuais semellantes e ambas teñen
como misión crear un espazo. A colaboración entre profesionais do teatro e da
arquitectura tampouco é frecuente, e menos en Galicia. Un tempo de crise
económica, recortes en cultura e parálise da actividade construtora como o que
estamos vivindo pode ser unha boa oportunidade para abrir un proceso de diálogo
entre linguaxes e provocar sinerxias entre profesionais co fin de actuar xuntos
e reforzar a actividade creadora.
Como expresión do seu compromiso con este obxectivo, o grupo de teatro
Chévere propón que o espazo escénico do novo espectáculo da compañía sexa o
resultado dun traballo feito en colaboración entre profesionais do teatro e da
arquitectura. Por esta razón solicita a participación do Colexio Oficial de
Arquitectos de Galicia ao obxecto de convocar este concurso de ideas para o
deseño do espazo escénico da obra Eurozoone, segundo as características e
premisas que se especifican nestas bases.
O concurso vai dirixido a arquitectos e estudiantes de arquitectura que
poderán integrarse nos equipos nas condicións establecidas nas bases.
Fallo do xurado
Acta do xurado
1º Premio EVERY "DOG" HAS ITS DAY
Javier Domingo Ballestín, arquitecto e
arquitecto técnico.
O xurado valora a capacidade simbólica do obxecto proposto (a escaleira mecánica) como representación
dun non-site (espazo impersoal concibido para o tránsito) e pola súa capacidade para evocar na imaxinación
do público un repertorio moi amplo de espazos, distintos pero todos válidos.
Accésit ATRACO PERFECTO
Director de equipo: Jorge García Anta,
arquitecto.
Membros do equipo: Fernando Eiroa Lorenzo, arquitecto e
Francisco Xabier Barral Fernández, estudante de arquitectura.
Valórase o diálogo crítico que establece coa arquitectura-espectáculo
a partír dun exemplo concreto e cercano como a CdC, propoñendo un cambio de escala con implicacións
moi suxerentes e divertídas para establecer un xogo teatral.
Accésit NAIPES
Alberto López Porta, arquitecto.
Valórase a natureza arquitectónica da proposta, a partír dunha construción
monumental que xera un ambiente suxerente e con múltiples posibilidades formais. Tamén se valora o
seu carácter metafórico, en canto alusión a eses "castelos" construídos no aíre.
Documentación
Bases
NOTA ACLARATORIA ÁS BASES:
Ao non consignar as bases de forma expresa a limitación de que cada
concursante ou equipo só poida presentar unha soa proposta estanse a recibir
consultas a este respecto. Por tal motivo aclárase:
O espírito deste concurso privado pretende potenciar a creatividade e non
impoñer limitacións nese sentido e por tal motivo non se expresou tal
limitación de forma expresa nas bases. Para aclarar as dúbidas que poidan
xurdir ao respecto infórmase que si algún concursante (individual/equipo)
desexa achegar máis dunha proposta deberá proceder da seguinte maneira na
súa presentación a través da web do concurso:
- Na memoria, que sería un documento único, deberá distinguir y explicar nos
termos expostos nas bases, as diferentes propostas que queira presentar, por
exemplo: OPCIÓN A, OPCIÓN B...
- Na documentación gráfica deberá respectarse igualmente os límites totais
de 10 documentos gráficos (10 en total aínda que se expoña máis dunha
proposta) de tamaño máximo de 10MB cada un, e consignarase nos diferentes
documentos gráficos si son relativos á OPCIÓN A, OPCIÓN B, ...
Memoria de dirección
Plataforma telemática de presentación de propostas
Plataforma
(prazo finalizado)
Á plataforma accedese co usuario e contrasinal de colexiado. En caso de non ser colexiado debe darse de alta aquí:
Creación de usuario.
Propostas
Relación de propostas presentadas
O número de propostas presentadas superou as expectativas o que fai necesario
prorrogar a data de resolución do concurso ao obxecto de que o xurado poida
analizalas debidamente. O fallo do xurado farase público o día 28 de
novembro de 2012.
Consultas
Os concursantes poderán formular as súas consultas na dirección:
concursoproxectoescenico@colexiodearquitectos.org
Consultas e respostas de interés xeral