Edicións
Publicacións culturais
Coa súa política de publicacións, o Colexio Oficial de Arquitectos de Galicia
quere materializar un dos seus obxectivos fundacionais: estar presente de forma
activa na sociedade galega en todas aquelas cuestións que garden relación coa
calidade de vida, co patrimonio histórico e cultural colectivo e coa ordenación
e o desenvolvemento do noso país cara ao futuro.
Dende esta preocupación, lévase a cabo dende 1975 unha acción cultural a
través da edición de libros, de temáticas tan variadas como historia e teoría da
arquitectura, protección do patrimonio construído, catálogos e guías de
arquitectura urbana, etc. Para iso mantén colaboracións con institucións
culturais, universidades, administración pública, etc.
Publicacións técnicas
Dende o ano 2000, o Colexio de Arquitectos edita tamén unha serie de
publicacións técnicas que lle permiten manter operativas diversas canles de
difusión e comunicación cos arquitectos, outros axentes do sector da edificación
e coa sociedade en xeral, sobre a nosa visión tecnolóxica da arquitectura e o
urbanismo.
Por un lado, a información baséase na publicación de libros técnicos, cuxo
obxectivo común é o de ofrecer contidos o máis útiles e prácticos posible ao
colexiado. Por outro lado, en relación ao traballo diario do arquitecto, o noso
apoio céntrase na edición de aplicacións informáticas que facilitan aquelas
tarefas máis laboriosas con ferramentas axeitadas á realidade actual.
Revistas
Ademais das publicacións culturais e técnicas o Colexio de Arquitectos edita
dúas revistas:
Obradoiro e O Monografías, órganos periódicos de expresión do Colexio cuia
finalidade é proxectar a dimensión cultural da arquitectura.
No ano 1978 a Comisión de Cultura do COAG poñía na rúa o número 0 da Revista
Obradoiro, instrumento aberto de información, estudo e discusión sobor de todo o
relacionado coa arquitectura, o urbanismo, a construcción e o medio ambiente.
En 2001 sae do prelo o número 1 da publicación O Monografías, subtitulada
Revista de arte e arquitectura. Nesta revista trátase de forma monográfica
temáticas de significativa importancia de arte e arquitectura.
Formulario de pedido exclusivo para a venda a colexiados en Galicia,
calqueraoutra petición a través do noso distribuidor:
Distribución e pedido de publilcacións
Formulario de pedido (non só para colexiados)
Distribuidor:
Librería Formatos
Avenida Fernández Latorre 5/9
15006 A Coruña (España)
Teléfono: 981 255 210
correo-e:
formatos@libreriaformatos.com