Formación
O servizo de formación ten como obxectivo principal a actualización e
especialización técnica dos arquitectos, ofrecéndolles a posibilidade de
alcanzar un alto grao de cualificación para o desenvolvemento do seu traballo.
Neste sentido, tanto se queres poñerte ao día sobre o teu exercicio profesional
coma se queres acceder a novos ámbitos de traballo máis especializados, este
servizo ofréceche a posibilidade de formarte cos mellores expertos en cada
materia.
O programa das actividades de formación preséntase durante o mes de setembro
e desenvólvese durante todo o ano lectivo. Este inclúe:
Cursos e xornadas presenciais: actividades formativas
dirixidas á actualización e especialización profesional.
Cursos on-line: servizo de formación a distancia para cursos
on-line a través da "plataforma moodle".
Outros cursos e colaboracións: accións de formación que o
Colexio convenia ou co-organiza xunto con outras agrupacións, entidades ou
organismos.
Charlas técnicas: actividades informativas orientadas á
actualización e mellora da cualificación respecto aos produtos, sistemas,
ferramentas e materiais existentes no mercado.
Visitas técnicas: percorrido guiado polas instalacións das
empresas do sector da construción, co fin de aumentar o intercambio de
coñecementos entre arquitectos e empresas a partir dos distintos materiais,
procesos e solucións.
A calidade do noso servizo de Formación permitiunos:
- Ser operador oficial do Consello Superior de Colexios de Arquitectos de
España (CSCAE) na "Escola en Rede"
- A homologación como provedores de formación profesional continua pola
Unión Internacional de Arquitectos (UIA).
Actividades formativas do Colexio de Arquitectos:
- Accede
aquí á páxina de cursos.
- Accede
aquí á páxina de charlas e visitas técnicas.