Política de Calidade do Colexio de Arquitectos
O Colexio Oficial de Arquitectos de Galicia é unha
organización que, na súa aposta pola mellora continua, implantou un sistema de
aseguramento da calidade. Neste sentido, a Política de Calidade da organización
colexial ten como obxectivo principal aliñar o funcionamento interno e os
servizos da organización colexial cos obxectivos estratéxicos establecidos desde
os Órganos de Goberno, establecendo como elementos necesarios para a mellora
continua nos servizos que se prestan ao colexiado a optimización e innovación na
xestión e o uso intensivo das Tecnoloxías de Información e Comunicacións, coa
consecuente mellora da produtividade e optimización do
uso de recursos, así como a mellora continua dos servizos prestados ao
colexiado, en particular, e á sociedade, en xeral.
A Política de Calidade é de obrigado cumprimento para todo o persoal da
organización colexial e comunícase a todas as persoas que traballan para a
organización ou en nome da mesma, estando a disposición de todo aquel que o
requira así como para o público en xeral. A dirección da organización colexial
revisará anualmente a política de Xestión, para asegurarse que segue sendo
pertinente e apropiada, e proporá obxectivos e metas viables para despregar esta
política, co propósito de mellorar constantemente o servizo.
Política de calidade.
