formación

Nas últimas semanas temos recibidos varias solicitudes de colexiados, interesados na organización dunha reunión na delegación para a problemática derivada da designación do actual Xefe do Servizo de Arquitectura do Concello de Lugo, relativa ás dificultades para obter licencias nese Concello.

Atendendo a estas peticións, mediante a presente convócasevos a unha reunión para tratar este tema, a cal celebrarase exclusivamente por medios telemáticos, conforme ás recomendacións da Xunta de Galicia de restrinxir ao máximo a interacción social e que terá lugar, a través da aplicación zoom, o vindeiro martes 9 de febreiro, ás 19:30 horas.

A inscrición deberase realizar á maior brevidad posible e, en todo caso, antes das 12:00 horas do vindeiro luns 8 de febreiro.

Ao longo da mañá do martes 9, enviarase aos inscritos o enlace para entrar na sala de zoom da reunión.

Indicacións para conectarse á reunión

• Se xa tes o zoom instalado no equipo que vaias a utilizar, podes entrar directamente na sala virtual; se non, invítaseche automaticamente a instalar a aplicación. En calquera caso, para facilitar a organización, utiliza por favor o teu nome completo e apelidos cando te identifiques en zoom.
• Audio e cámara web. Para participar, é necesario que teñas un micrófono activo no equipo (ben integrado -portátiles, tabletas ...-, ben externo -cascos, micro de mesa, ...-) Recomendamos que manteñas o micrófono en silencio excepto cando vaias intervir, para evitar a aparición de ruído. Se non tes micrófono, podes enviarnos as túas achegas ou preguntas a través do chat.
• En canto á cámara, aínda que é de uso voluntario, recomendamos que a teñas activa. Isto fará que a interacción sexa máis áxil e próxima para todos.
• Soporte. No caso de que non poidas instalar ou acceder ao zoom, diríxete a informatica@colexiodearquitectos.org e porémonos en contacto contigo.

Martes 9 de febrero, de 19:30 a 21:00