formación

Dende a delegación de Santiago do Colexio Oficial de Arquitectos comprácenos anunciar que o xoves 2 de xullo terá lugar a primeira das conferencias do ciclo Próximos 2026, a través do cal se quere dar a coñecer traballos arquitectónicos próximos á nosa delegación, ben polo emprazamento das obras, estudos ou ben polo contexto que os envolve.

 

 

Este primeiro relatorio terá como protagonista o estudo López Rivera Arquitectos que nos falarán da súa obra recente, que abarca dende proxectos de obra pública ata encargos privados.

 

López Rivera Arquitectos é un estudo fundado en Barcelona no ano 2001 polos arquitectos Emiliano López e Mónica Rivera. Dende a súa creación, o estudo céntrase na obra pública a través de concursos, xunto cunha selección de encargos privados.