formación

Esta xornada parte co obxectivo de iniciar un espazo onde se compartan as experiencias dos máis novos. Expoñeranse as distintas problemáticas ás que nos enfrontamos durante os primeiros anos do exercicio profesional da arquitectura, xa sexa a partir de casos prácticos como a obra construída ou supostos teóricos. Abordaranse temáticas diversas, como a incorporación ao mundo laboral liberal, a xestión coa administración pública, a relación co cliente, etc., así como aspectos que o COAG podería mellorar para a incorporación dos máis novos á profesión.