Colexio | Histórico | CSCAENoticias
Xunta Xeral ordinaria do mes de maio 30/04/2013
A Xunta de Goberno do Colexio Oficial de Arquitectos de Galicia, en sesión 11/2013 de 26 de abril celebrada en Santiago de Compostela, adoptou o acordo de convocar Xunta Xeral ordinaria, a celebrar no Salón de Actos da Sede colexial de Santiago de Compostela, o día 30 de maio ás 16,30 e 17,00 horas, en primeira e segunda convocatoria, respectivamente. Máis información premendo no epígrafe.
Modificación do Decreto 35/2000 do Regulamento de accesibilidade en Galicia 22/05/2013
Co obxeto de adaptar o Decreto 35/2000 do Regulamento da Lei de accesibilidade e supresión de barreiras en Galicia á Directiva europea 95/16/CE aproximándolo así ás lexislacións dos Estados membros relativas a ascensores, a Consellería de Traballo e Benestar da Xunta de Galicia publica o Decreto 74/2013. Máis información no título.
Actualización de CALENER VYP Y GT para edificios existentes 21/05/2013
Co obxecto de adaptarse ao disposto no RD 235/2013, principalmente no relativo á certificación de edificios existentes, actualizáronse os programas informáticos de referencia (Calener-GT e Calener-VYP) para a cualificación de eficiencia enerxética de edificios a través do procedemento xeral. Encóntranse dispoñibles no portal oficial do Rexistro de Documentos Recoñecidos do Ministerio de Industria, Enerxía e Turismo. Mais información pulsando no título.
Proclamación do cargo de Secretario da Delegación de Lugo 21/05/2013
A Xunta de Goberno do Colexio Oficial de Arquitectos de Galicia adoptou o acordo de proclamar directamente electo, sen necesidade de elección por presentarse unha única candidatura, ao colexiado D. Luis Díaz Díaz. A toma de posesión terá lugar na Xunta Xeral ordinaria convocada para o vindeiro 30 de maio de 2013. Máis información premendo no epígrafe.
Comunicado da Xunta de Goberno sobre a descatalogación dunha vivenda en Vilagarcía de Arousa 21/05/2013
A Xunta de Goberno do Colexio Oficial de Arquitectos Galicia acordou remitir ao Sr. Alcalde do Concello de Vilagarcía de Arousa un escrito expresando a súa preocupación pola proposta de descatalogación da vivenda denominada "Becerra" de Vilagarcía de Arousa, obra do arquitecto D. Juan Argenti Navajas, representativa do primeiro Movemento Moderno de Galicia, que data de 1939. Para acceder ao comunicado, prema no epígrafe.
Axudas para protección do medio ambiente para pemes galegas 14/05/2013
A Consellería de Medioambiente, Territorio e Infraestruturas publicou en abril as bases reguladoras para as axudas a pemes para actuacións de prevención, protección, mellora e coñecemento ambiental facendo pública a súa convocatoria para o ano 2013
Novidades do RD 238/2013 que modifica o RITE 02/05/2013
Publicouse na páxina de Normativa Técnica da web colexial un informe coas principais modificacións sobre o RD 1027/2007 de Regulamento de Instalacións Térmicas nos Edificios (RITE) así como a comparativa entre a nova norma e a que modifica.
Publicación de resumo de acordos 30/04/2013
Conforme ao indicado na Circular 19_2013 de Secretaría, infórmase de que, por indicación expresa da nova Xunta de Goberno, habilitouse un apartado na web colexial, onde os colexiados poderán consultar a información relativa á orde do día e ao resumo de acordos adoptados nas correspondentes reunións de Xunta de Goberno ou de Comisión Executiva. Para acceder a dito apartado, prema no título.
Nova consulta de Normativa Técnica na Axenda colexial 29/04/2013
Acábase de incorporar á Axenda do Colexio, a consulta de Normativa Técnica a través da data de entrada en vigor. Con esta nova utilidade a Axenda actualízase automaticamente co contido da base de datos de normativa que se pode consultar no portal corporativo colexial.
Á súa vez, desde a propia axenda pódese acceder á páxina web da norma para consultar o texto oficialmente publicado e as normas e utilidades relacionadas.
Lei de colexios e servizos profesionais 26/04/2013
O Consello de Ministros aprobou, o venres 26 de abril, un novo plan nacional de reformas entre as que se atopa a elaboración do anteproxecto de una unha nova lei de colexios e servizos profesionais que ten como obxectivo a simplificación e a apertura de actividades no noso país. Iníciase así un proceso lexislativo no que esta previsto o dialogo cos diferente colectivos implicados.
Eleccións ao cargo de Secretario da Delegación de Lugo. Censo electoral 26/04/2013
Xa se pode consultar o listado provisional de electores que poderán exercer o dereito ao sufraxio nas eleccións ao cargo de Secretario da Delegación de Lugo que terán lugar o vindeiro 19 de xuño. Poderanse formular reclamacións sobre inclusións e exclusións no listado ata as 14:00 horas do 8 de maio.
Premio Juana de Vega de Arquitectura 16/04/2013
A Fundación Juana de Vega, a través da Escola Galega da Paisaxe, convoca un premio anual de arquitectura onde se premiará a mellor vivenda unifamiliar, tanto de nova planta como de rehabilitación, rematada o ano natural anterior en Galicia. Nesta décima convocatoria poderán concursar as vivendas unifamiliares rematadas en Galicia no 2012. A data límite de presentación dos proxectos realizados é o 31 de maio. Máis información premendo no título.
Oferta AENOR: acceso normas UNE 08/04/2013
O CSCAE asinou un convenio con AENOR polo que todos os colexiados poderán beneficiarse do acceso on-line ás normas UNE referenciadas no CTE ou RBTE, entre outras normativas de obrigado cumprimento, por 37 € ao ano. Para máis información sobre as características da oferta, que finaliza o 30 de xuño, pica no título.
Nova Guía de redacción de Documentos Técnicos-Anexos ao Proxecto 04/04/2013
Publícase a "Guía de redacción" de aplicación á documentación técnica independente que se incorpora ao proxecto como anexos ao mesmo: Estudo xeotécnico, Certificado de eficiencia enerxética de proxecto, Estudo de impacto ambiental, Plan de control de calidade, Estudo de seguridade e saude, Instruccións de uso e manteñemento, Estudo de xestión de residuos.