formación

Calener VYP

Objetivos

No ámbito do convenio subscrito entre o Instituto Enerxético de Galicia (INEGA), o Colexio Oficial de Arquitectos de Galicia, o Colexio Oficial de Enxeñeiros Industriais de Galicia e os Colexios Oficiais de Enxeñeiros Técnicos Industriais da Coruña, Lugo, Ourense e Vigo, para a realización de accións en materia de Certificación Enerxética de Edificios, no marco do Plan de Acción da Estratexia de Aforro e Eficiencia Enerxética en España 2005-2007, o COAG organiza un ciclo de cursos sobre a Certificación Enerxética dos Edificios, centrados nos programas e métodos contemplados no Real Decreto 47/2007 polo que se aproba o procedemento básico para a certificación de eficiencia enerxética de edificios de nova construción.

O ciclo comprende nove cursos sobre o programa CALENER VyP para a certificación enerxética de pequenos edificios do sector terciario e de edificios de vivendas, e un curso posterior sobre o programa CALENER GT, para a certificación de grandes edificios do sector terciario.

Nos cursos do CALENER VyP, ademais do manexo do programa, abordarase o manexo do programa LIDER e a aplicación dos métodos simplificados para a xustificación do cumprimento do DB HEI-1 e de cualificación enerxética.

Estes cursos CALENER VyP serán de 25 horas de duración, e terán un carácter eminentemente práctico.

O curso sobre o programa CALENER GT, pola súa banda, terá lugar en Santiago de Compostela no mes de outubro. Do seu calendario exacto e do seu programa informarémosvos proximamente.

PROFESORES

Os cursos serán impartidos polos seguintes profesores:
    Rafael Fernández Vale, arquitecto.
    Juan Ferreiro Oliva, arquitecto.
    Santiago Pintos Pena, arquitecto.
    Iria Ramos Méndez, arquitecta.
    Susana Rodríguez Carballido, arquitecta.

  VIGO:
    Rafael Fernández Vale, arquitecto.
    Juan Ferreiro Oliva, arquitecto.
  LUGO:
    Santiago Pintos Pena, arquitecto.
    Iria Ramos Méndez, arquitecta.
  SANTIAGO:
    Rafael Fernández Vale, arquitecto.
    Juan Ferreiro Oliva, arquitecto. 
  PONTEVEDRA:
    Santiago Pintos Pena, arquitecto.
    Iria Ramos Méndez, arquitecta.
  A CORUÑA:
    Rafael Fernández Vale, arquitecto.
    Iria Ramos Méndez, arquitecta.

PLAZAS DISPONIBLES

Dado ou carácter práctico destes cursos, o número de alumnos de cada un está limitado a 20.
As prazas dispoñibles asignaranse por orde de matrícula, sen que en ningún caso se admitan reservas.

MATRÍCULA

A asistencia a estes cursos está reservada aos membros do C.O.A.G.
Se dous días antes do comezo dun curso quedaran prazas libres, a matrícula abrirase a calquera persoa interesada.
A matrícula formalízase no momento en que se recibe no C.O.A.G. o boletín de inscrición e o xustificante de realizar o pagamento.

MATERIAL NECESARIO

O curso deberá ser seguido polos alumnos por medio dun ordenador portátil, que debe ser achegado por eles mesmos, e no que debe estar cargado o programa AUTOCAD.

O resto dos programas necesarios para seguir o curso ofrecerase aos alumnos nun CD, pero, para maior seguridade, convén cargar nos ordenadores os programas LIDER e CALENER.

Da páxina do Ministerio da Vivenda (http://www.codigotecnico.org/index.php?id=33) é necesario baixar:
- A última versión do Programa LIDER.
- O arquivo de revisión.
- O manual de usuario.

Da páxina do Ministerio de Industria, Turismo e Comercio (http://www.mityc.es/Desarrollo/Seccion/EficienciaEnergetica/CertificacionEnergetica/Reconocidos/) débese baixar:
- A última versión do programa CALENER VyP
- O documento no que se indican as novidades da última versión do programa.
- O manual de usuario.
- O documento no que se describen os factores de corrección e os valores por defecto utilizados polo programa para a simulación dos equipos de climatización.

As características mínimas dos ordenadores a utilizar deben ser as seguintes:
     Procesador:    1.6 GHz
     Memoria RAM:    512 MB (recomendado 1024 MB)
     Memoria de vídeo:   128 MB (recomendado 256 MB)
     Resolución mínima da pantalla:  1024x768
     Cor:     Cor verdadeiro
     Espazo libre no disco Duro:  100 MB
     Sistema Operativo:  Windows 2000/XP
     Lector de CD-ROM.
     Rato externo.
     Programa Autocad 2006 ou superior.

Os programas LIDER e CALENER poden funcionar incorrectamente nos ordenadores con Windows Vista, se antes de utilizalos non se fai neles as seguintes operacións:

- Instalar os programas LIDER e CALENER VYP directamente na unidade C: e non en C:/ Arquivos de Programa.
- Unha vez instalados, buscar nas carpetas de ámbolos dous programas tódolos arquivos con extensión .exe, pinchar sobre eles e marcar no menú desplegable emerxente "Executar como Administrador".

Programa

CURSO CALENER VyP

Xoves mañá:
   Teoría de introducción á limitación da demanda enerxética e ó programa LIDER

Xoves tarde:
   Introdución ao programa LIDER. 
   Ferramentas de aplicación e exemplos prácticos sinxelos do programa LIDER

Venres mañá:
   Exemplo complexo de aplicación do programa LIDER 
   Teoria de introducción á certificación enerxética e ó programa CALENER VYP

Venres tarde:
   Ferramentas de aplicación e exemplos prácticos sinxelos do programa CALENER VYP

Sábado mañá:
   Exercicio práctico complexo de aplicación do programa CALENER VYP

Matrícula

Precio: 30,00 €